«Тәуелсіздік толғауы» жас ақындардың республикалық байқауын өткізу ережелері

1. Жалпы ережелер

1. «Тәуелсіздік толғауы» жас ақындардың республикалық байқауын (бұдан әрі – Байқау) өткізу ережелері оның мақсатын, міндеттерін, қатысушылардың жас санаттарын, өткізу форматын және тәртібін анықтайды.
2. Байқаудың мақсаты: дарынды жас авторларды анықтау және қолдау, сондай-ақ поэзияны жастар арасында танымал ету, поэтикалық шығармалар арқылы ойлар мен сезімдерді білдіру үшін әдеби шығармашылықты дамыту.
3. Байқаудың міндеттері:

1. поэзиядағы жас таланттарды анықтау және көтермелеу;
2. балалардың шығармашылық қабілеттерін дамыту: оқушылар арасында әдеби шығармашылықты ынталандыру;
3. поэзияны насихаттау: поэтикалық өнерге және оның маңыздылығына назар аудару;
4. қатысушыларға өз шығармашылығымен бөлісуге және кері байланыс алуға мүмкіндік жасау;
5. жас ақындарды одан әрі шығармашылық жетістіктерге шабыттандыру.

1. Байқауды Қазақстан Республикасы Оқу-ағарту министрлігінің Республикалық қосымша білім беру оқу-әдістемелік орталығы қашықтық форматта өткізеді.
2. Байқауды ұйымдастырушылар ұйымдастыру комитеті мен қазылар алқасының құрамын құрады, байқауды өткізеді және қорытындылайды.

2. Байқауды өткізу мерзімі мен тәртібі

1. Байқау 2024 жылғы 14 қараша – 19 желтоқсан аралығында өткізіледі.
2. Байқауға қатысу үшін 2024 жылғы 14 қарашадан 09 желтоқсанға дейін konkurs.muz@mail.ru электронды поштасына мына материалдарды жіберу қажет:

1. өтінім 1-қосымшаға сәйкес үлгі бойынша;
2. байқау жұмысын электронды түрде;
3. сканерленген түбіртек немесе төлем туралы төлем тапсырмасы.

1. Ұйымдастыру комитетіне 2024 жылғы 09 желтоқсанда сағат 18.00- ден кейін түскен, сондай-ақ қойылатын талаптарға сәйкес келмейтін байқау жұмыстары қарастырылмайды.
2. Байқау қорытындысы, жеңімпаздар дипломдары, олардың жетекшілеріне алғыс хаттар, қатысушылардың сертификаттары 2024 жылғы 19 желтоқсанда www.ziyatker.org  сайтында орналастырылады.
3. Ұйымдастырушы Байқауды өткізу мерзімін ұзартуға құқылы. Ұйымдастырушы әлеуетті қатысушыларды Байқаудың қорытындыларын

орналастыру мерзімінің өзгеруі туралы www.ziyatker.org сайтында хабардар етеді.

Байқауды ұйымдастырушылар байқау материалдарын авторды көрсете отырып, әлеуметтік желілерде жариялауға құқылы.

1. Байқауға қатысу үшін 2000 (екі мың) теңге жарна төлеу қажет. Төлемақы:

1. Kaspi.kz арқылы жүргізіледі: 1) Kaspi.kz тіркелу; 2) «Платежи» бөлімі; 3) «Образование»; 4) «Школы»; 5) «Республиканский учебно- методический центр дополнительного образования» (г. Астана, ул. Кенесары, 40); 6) қатысушы туралы мәлімет енгізу және төлем сомасын көрсету; 7) төлем түрін көрсету (Kaspi gold, Kaspi депозит, Kaspi кошелек, Kредитная карта; 8) төлем жасау.
2. барлық банк немесе Қазпошта бөлімшелерінде келесі реквизиттер арқылы жүргізіледі.

ҚР ОАМ «Республикалық қосымша білім беру оқу-әдістемелік орталығы» РМҚК (резидент - 19).

БИН 990140004733

ИИК KZ918560000005068448БИК KCJBKZКX

Кбе 16. Төлемақы мақсатының коды: 859. АҚ «Банк Центр Кредит» Төлемақының аталуы: «Тәуелсіздік толғауы» байқауы.

Байқауға қатысушының тегін, атын көрсету қажет (жіберуші: (резидент

19).

3. Байқау талаптары

1. Байқауға жалпы орта, қосымша, техникалық және кәсіптік білім беру ұйымдарының 7 - 17 жастағы (18 жасқа дейін) білім алушылар мына жас санаттары бойынша қатысады:

• кіші жас санаты: 7-10 жас;
• орташа жас санаты: 11-14 жас;
• ересек жас санаты: 15-17 жас.

1. Байқауға қатысушылар Қазақстан Республикасының Тәуелсіздігі күніне арналған поэтикалық шығармалар – өздері шығарған туынды өлеңдерін жолдайды. Өлеңдердің көлемі шектелмейді.
2. Байқау жұмыстарын бағалау критерийлері:

• поэзияның көркемдік деңгейі, поэтикалық тілдің байлығы мен әсемдігі;
• эмоциялық тереңдік, сезімдердің жеткізілуі;
• шығармада өлең құрылымының дұрыстығы, логикалық құрылымның болуы, ойлардың жүйелілігі.

4. Байқауды қорытындылау

1. Байқаудың қорытындысы бойынша қазылар алқасы жеңімпаздарды анықтайды. Байқау жұмыстары жас санаттары бойынша бағаланады.